Hrafnhildur Árnadóttir hjá Ferskri þurrkun ehf, í samvinnu við Orkídeu, sótti um og fékk styrk frá Nýsköpunarsjóði námsmanna til að ráða námsmann í nýsköpunarverkefni í frostþurrkun. Hrafnhildur leggur til frostþurrkara, aðstöðu og þekkingu á ferlum frostþurrkunar. Brittany Marie Repella, sem er að leggja síðustu hönd á MS-verkefni sitt í lýðheilsuvísindum, tók við boltanum og mun vinna við frostþurrkunarverkefnið í sumar. Ætlunin er búa til ýmsar afurðir úr vannýttu grænmeti þar sem frostþurrkun kemur við sögu en þessi frábæra geymsluaðferð varðveitir um 95% af bragð- og næringarefnum og viðheldur formi og lögun grænmetisins að miklu leyti. Afurðirnar verða mun léttari og auðveldari í geymslu og flutningi. Orkídea mun veita aðstoð á ýmsum sviðum t.d. í tengslamyndun við framleiðendur og skynmat á afurðum.

Við hittumst nýlega og fórum yfir verkefnið. F.v. á mynd: Sveinn (Orkídea), Hrafnhildur (Fersk þurrkun ehf), Brittany Marie (nemi) og Helga (Orkídea).