Lokadagur hraðalsins „Sóknarfæri í nýsköpun“

Lokadagur viðskiptahraðalsins „Sóknarfæri í nýsköpun“ var í gær en þá kynntu níu teymi sunnlenskra frumkvöðla verkefni sín á Garðyrkjuskólanum að Reykjum að viðstöddum fjölmennum hópi áhugasamra. Frábær verkefni og kynningar.

Í frétt Háskólafélags Suðurlands á Facebook segir:

Hraðallinn var samstarfsverkefni Háskólafélags Suðurlands, HVIN ráðuneytis með framlag úr Lóu nýsköpunarstyrk fyrir landsbyggðina, Samtök sunnlenskra sveitarfélaga – SASS með framlag úr áhersluverkefnasjóð Sóknaráætlunar og Umhverfis-, og auðlindaráðuneytis. Svava Björk Ólafsdóttir hjá RATA leiddi hraðalinn af mikilli fagmennsku, auk þess sem Orkídea – orka og nýsköpun, Kötlusetur/Upplýsingamiðstöðin Vík, Nýheimar þekkingarsetur og Þekkingarsetur Vestmannaeyja lögðu til frábæra samvinnu.

Undanfarnar átta vikur hafa teymin hist tvisvar í viku, fengið fræðsluerindi frá fólki á ólíkum sviðum, hitta frábæra mentora og átt saman góðar stundir á vinnustofum víðsvegar um Suðurland.

Verkefni teymanna eru af ólíkum toga, sum á mjög stórum skala og að leita að alvöru fjárfestum, önnur ganga út á innri nýsköpun í starfandi fyrirtækjum og enn önnur snúa að nýrri tækni eða nýsköpun í samfélagsverkefnum.

Á næstu dögum munum við birta upptökur af teymunum flytja verkefnin sín á lokadeginum – sjón er sögu ríkari!

Við hjá Orkídeu erum stolt yfir því að hafa lagt hönd á plóg í undirbúningi með setu í verkefnastjórn og tekið þátt sem mentorar.

Bakhjarlar verkefnisins eru Háskólafélag Suðurlands, SASS, Lóa nýsköpunarsjóður og Umhverfis-, orku- og loftslagsráðuneytið.

Takk kæru frumkvöðlar, ykkur verða allir vegir færir!

Lokadagur hraðalsins „Sóknarfæri í nýsköpun“

Fleiri fréttir

Lífgas ehf – rekstrarfélag um lífgas- og áburðarvinnslu í Uppsveitum stofnað

Staða garðyrkjunnar – grein þingmanns í Bændablaðinu

Vinnudagar Orkídeu og samstarfsverkefna á Suðurlandi

Rúmenar nýta lághitasvæði með varmadælum til húshitunar