Tvær nýjar afurðir Value4Farm verkefnisins hafa nú litið dagsins ljós og má nálgast þær (hlaða niður) á síðu Value4Farm um afurðir.

Önnur afurðin er skýrsla sem lýsir sýnidæmum verkefnisins og þeim ólíku aðstæðum og tæknilegu áskorunum sem þeim er ætlað að leysa. Til umfjöllunar eru þrjár virðiskeðjur í þremur Evrópulöndum (Ítalíu, Belgíu og Danmörku) sem hafa allar að markmiði umbreytingu til grænna orkugjafa í landbúnaði. Hin afurðin er einnig skýrsla sem greinir stefnur og regluverk sem stýrir og styður við umbreytingu evrópsks landbúnaðar til grænna orkugjafa.

Myndin hér að ofan er úr nýrri skýrslu Value4Farm og sýnir umfang sýnidæmis og virðiskeðju Value4Farm á Ítalíu sem tekur til bæði sólarorkuframleiðslu  og framleiðslu á lífgasi úr efnisstraumum frá landbúnaði en til skoðunar þar er einnig samsetning uppskerutegunda m.t.t. til orkuinnihalds til lífgasframleiðslu. Í vissum þáttum sýnidæmisins verður notast við aðferðafræði sem þróuð var í ESB verkefninu BiogasDoneRight.

Nú er boðið upp á Vefsíðu Value4Farm í íslenskri útgáfu HÉR og einnig er hægt að gerast áskrifandi að fréttabréfi verkefnisins HÉR.