Á ferð Orkídeu til Hafnar í Hornafirði þá heimsóttum við m.a. Guðmundur H. Gunnarsson nýsköpunarstjóra hjá Skinney-Þinganes. Áður en hann tók við því starfi var hann framleiðslustjóri hjá fyrirtækinu en hafði þá takmarkaðan tíma til að vinna að framþróun og nýsköpun. Skinney-Þinganes vill koma á auknum nýsköpunarkúltur innan fyrirtækis sem hingað til hefur fyrst og fremst lagt áherslu á framleiðslu sjávarafurða.  Guðmundur leggur áherslu á samsköpun þar sem nýsköpunarhugmyndir eru þróaðar og prófaðar í samvinnu við sem flesta starfsmenn fyrirtækisins. Með því móti telur hann hægt að hámarka útkomu nýsköpunarverkefna, efla uppbyggingu á hugvitsdrifnu atvinnulífi á landsbyggðinni og vinna verkefni sem skipta máli fyrir fyrirtækið og starfsmenn þess.

Við þökkum Guðmundi kærlega fyrir áhugaverðar umræður um hvernig sé hægt að virkja samfélög til nýsköpunar, efla uppbyggingu á hugvitsdrifnu atvinnulífi á landsbyggðinni og tryggja að hugmyndir nái fram að ganga!