16. nóvember 2021

Öflugur ylræktarklasi í Reykholti í Biskupstungum

Stjórn Orkídeu, framkvæmdastjóri og nokkrir fulltrúar í verkefnastjórn, heimsóttu ylræktarklasann í Reykholti í Biskupstungum í lok síðustu viku. Þau Helgi og Hildur í Gufuhlíð (gúrkuræktun), Helena og Knútur í Friðheimum (tómataræktun) og Axel Sæland og fjölskylda á Espiflöt (blómaræktun) stækkuðu öll sínar stöðvar á síðasta ári og heildarflatarmál stöðvanna um 20.000 fm. Á Friðheimum er einnig rekið veitingahús inni í garðyrkjustöðinni þar sem gestum bjóðast ljúffengar veitingar úr tómötum.

Við í Orkídeu skoðuðum stöðvarnar og áttum fróðlegan og skemmtilegan fund með eigendum stöðvanna. Stöðvarnar nota samtals um 6 MW af orku og mikið þekkingarsamstarf er milli stöðvanna hvað snertir ræktun. Framtíðarmöguleikar voru ræddir en raforkan, framboð og verð, skiptir garðyrkjustöðvarnar meginmáli í rekstrinum. Á fundinum kom fram mikill vilji til aukins samstarfs í að kortleggja möguleika á frekari uppbyggingu garðyrkjunnar og tengdra greina í anda hugmyndafræði Grænna iðngarða, þar sem lífrænar auðlindir og græn orka eru nýtt til fullnustu.

Það er ótrúlega gaman að vera vitni að svo öflugri uppbyggingu í garðyrkjugeiranum hjá öflugu fólki sem trúir á framtíð ylræktar og grænnar orku!

Takk fyrir okkur!

Fleiri fréttir

Allar fréttir
3. febrúar 2025
Rúmenar nýta lághitasvæði með varmadælum til húshitunar
Lesa meira
29. janúar 2025
Netviðburður um þróun til sjálfbærra og hringlaga hagkerfa
Lesa meira
27. janúar 2025
Umfjöllun um Livefood grænkeraosta í DFS
Lesa meira
10. janúar 2025
Samstarf við Matís endurnýjað
Lesa meira