27. janúar 2021

Orkídea heimsækir Ölfus Cluster

Frá Þorlákshöfn í Ölfusi (mynd: Ölfus Cluster)

Þann 22. janúar fórum við starfsmenn Orkídeu í heimsókn í Ölfus Cluster (ÖC)  sem er þekkingarklasi fyrirtækja og opinberra aðila sem koma að nýsköpun, vöruþróun og rannsóknum í Ölfusi. Við ræddum þar við Pál Marvin Jónsson framkvæmdastjóra Ölfus Cluster, Elliða Vignisson bæjarstjóra og Grétar Inga Erlendsson formann bæjarráðs og stjórnarmann í SASS.  

Fram kom að Ölfus Cluster vinnur að uppbyggingu atvinnulífs á svæðinu með sérstaka áherslu á sjálfbæra matvælaframleiðslu. Matvælaframleiðsla  er mikilvæg fyrir Ölfus og getur orðið enn mikilvægari á stórum skala á næstu árum og áratugumÞar er næg orka til staðar (mikið enn ónýtt), mikið af köldu vatni, landrými sem er slétt og gott með engum mannvistarleifum og orðið vel gróið.  

Ljóst er að það eru umtalsverðir samstarfsmöguleikar milli Orkídeu og Ölfus Cluster í tengslum við að gera íslenska matvælaframleiðslu umhverfisvænni með nýtingu grænnar orku. Bæði verkefnin vilja stuðla að nýsköpun og verðmætasköpun á sviði matvælaframleiðslu með sjálfbærni og hringrásarhagkerfið að leiðarljósi. Ætlunin er að nýta þessa samstarfsmöguleika til hins ítrasta. 

Fleiri fréttir

Allar fréttir
28. apríl 2022
Styrkur úr Nýsköpunarsjóði námsmanna
Lesa meira
12. apríl 2022
Ársskýrsla Orkídeu fyrir 2021 komin út
Lesa meira
4. apríl 2022
Viljayfirlýsing um undirbúning Græns auðlindagarðs í Reykholti Biskupstungum
Lesa meira
30. mars 2022
Vinnustofa fyrir frumkvöðla 5. apríl
Lesa meira