Orkídea leitar að öflugum einstaklingi, sem er til í gott hugarflug og með auga fyrir nýjum hugmyndum og lausnum, í starf verkefnastjóra í uppbyggingu Grænna iðngarða á Suðurlandi, í anda hugmyndafræði hringrásarhagkerfisins og nýsköpunar.

Grænn iðngarður er samstarfsnet fyrirtækja á ákveðnu atvinnusvæði þar sem skipst er á orku og hráefnum þar sem úrgangur og straumar eins fyrirtækis getur nýst sem auðlind annars. Innviðir græns iðngarð eru skipulagðir með samvinnu í huga er varðar þjónustu og viðskipti fyrirtækjanna innan garðsins. Uppbygging græns iðngarðs styður við sjálfbærni með innleiðingu félagslegra, efnahagslegra og umhverfisvænna sjónarmiða í skipulagi, stýringu og framkvæmd.

Helstu verkefni og ábyrgð:

• Þátttaka í teymisvinnu um hönnun og mótun Grænna iðngarða á Suðurlandi
• Öflun og mótun nýrra viðskiptatækifæra fyrir Græna iðngarða með hringrásarhugsun að leiðarljósi
• Greining á nauðsynlegum innviðum og kostnaði
• Samskipti og samvinna við nýja og núverandi rekstraraðila sem og sveitarstjórnir og byggðaþróunarfulltrúa viðkomandi svæða
• Önnur verkefni sem tengjast innleiðingu hringrásarhagkerfis á Suðurlandi

Hæfniskröfur:

• Nám sem nýtist í starfi
• Farsæl og haldgóð starfsreynsla sem nýtist í starfi
• Brennandi áhugi á nýsköpun, orku og umhverfismálum
• Frumkvæði og drifkraftur í einstaklings- og teymisvinnu
• Lipurð og hæfni í samskiptum
• Færni í að koma frá sér efni í ræðu og riti
• Reynsla af verkefnastjórnun
• Tækniþekking sem nýtist í starfi er kostur
• Góð enskukunnátta

Umsóknarfrestur er til og með 20. febrúar nk.

Starfsstöð er á Suðurlandi. Öll kyn eru hvött til að sækja um. Umsókn, sem sendist á orkidea@orkidea.is, skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningi um hæfni umsækjanda til að gegna starfinu.