Fersk þurrkun ehf og Orkídea fengu styrk úr Nýsköpunarsjóði Námsmanna (NSN) fyrir verkefnið “Vöruþróun á vannýttu grænmeti ”. Markmið verkefnisins er að vinna að uppbyggingu og þróun á nýjum framleiðsluferlum sem byggja á frostþurrkun á ólíkum grænmetishráefnum og skapa þannig nýjar og verðmætar vörur (t.d. krydd og þurrkaða sveppi) úr vannýttum hliðarafurðum grænmetisframleiðslunnar.

Við erum því á höttunum eftir háskólanema í raungreinum til að vinna verkefnið, sem er áætlað að taki 3 mánuði nú í sumar. Starfsaðstaða viðkomandi verður aðallega í Kópavogi þar sem Fersk þurrkun hefur aðstöðu meðan beðið er eftir hentugu húsnæði á Suðurlandi.