28. júní 2023

Tariello og Orkídea fá 13,5 mkr styrk úr Matvælasjóði

Mynd: Tariello ehf

Orkídea og frumkvöðlafyrirtækið Tariello ehf í Þykkvabæ, sem einbeitir sér að framleiðslu á hágæða sælkera kjötvörum úr íslensku hráefni sem byggjast á ítölsku matarhandverki, hlutu nýverið 13,5 milljón kr. styrk úr Matvælasjóði til að þróa nýjar afurðir með fullvinnslu á hrossakjöti.

Mjög lítið framboð er af fullunnum afurðum úr hrossakjöti á íslenskum markaði og í dag er ekki til nein afurð á markaði úr þessu hráefni sem byggir á vönduðu mathandverki. Markmiðið verkefnisins  er að auka fullvinnslu á hrossakjöti og þróa nýjar og verðmætar afurðir úr vannýttu íslensku hráefni. Í verkefninu er annars vegar ætlunin að endurbæta framleiðsluferli fyrir íslenskt salami úr hrossakjöti og hins vegar að þróa nýtt framleiðsluferli fyrir einstakt íslenskt Bresaola kjötálegg úr hrossakjöti.

Sömuleiðis er stefnt að því fara inn á nýjan markað sem er í mótun, en bent hefur verið á að sóknarfæri felist í að efla áhuga Íslendinga og erlendra gesta á matarferðaþjónustu, matarminjagripum, matarmenningu og svæðisbundnum mat.  Niðurstöður verkefnisins munu auka nýtingu á hrossakjöti og sporna gegn matarsóun, stuðla að aukinni sjálfbærni og bættu fæðuöryggi með fullnýtingu hráefna og hringrásarhagkerfis.

Fleiri fréttir

Allar fréttir
28. febrúar 2024
Vefsíða Value4Farm komin í loftið
Lesa meira
15. febrúar 2024
Hliðarafurðir garðyrkju fela í sér verðmæti
Lesa meira
9. febrúar 2024
Grein Orkídeu í Morgunblaðinu um áburðar- og lífgasver
Lesa meira
8. febrúar 2024
Bændablaðið segir frá skýrslu Orkídeu um lífgas og áburð
Lesa meira