Nýverið átti Terraforming LIFE verkefnið fund með umsjónar- og eftirlitsstofnun ESB, European Climate, Infrastructure and Environment Executive Agency (CINEA), hjá Ölfus Cluster í ráðhúsinu í Þorlákshöfn. Mættir voru þátttakendur í verkefninu þ.e. frá First Water ehf, sem leiðir verkefnið, Orkídeu, Ölfus Cluster, Bændasamtökum Íslands og SMJ ráðgjafaverkfræðingum í Færeyjum. Frá CINEA komu tveir fulltrúar. Farið var yfir stöðu verkefnisins, helstu ávinninga hingað til og vinnuna framundan. Fundurinn var mjög gagnlegur og fulltrúar CINEA lögðu sig fram um að leiðbeina og skoða lausnir á þeim verkefnum sem blasa við Terraforming LIFE.

Að fundi loknum var farið í skoðunarferð um athafnasvæði First Water sem er gríðarlega stórt enda áform fyrirtækisins í landeldi á laxi mjög stór í sniðum og eru stærsta fjárfesting Íslandssögunnar.

Fulla ferð áfram Terraforming LIFE!

Myndir frá Bændasamtökum Íslands (BÍ).