14. apríl 2021

Vefstofa Eims um nýtingu auðlinda á sjálfbæran hátt

Hugsaðu stórt, hugsaðu grænt, er yfirskrift vefstofu (netfundar) sem Eimur (www.eimur.is), systurverkefni Orkídeu, stendur fyrir, ásamt Nýsköpun í Norðri, SSNE, SSNV og Hacking Hekla. Vefstofan verður haldin næsta fimmtudag, 15. apríl, frá kl. 14:00 til 16:00. Fundurinn er öllum opinn, og verður streymt á Facebook síðum Eims (https://www.facebook.com/eimur.iceland) og sérstakri síðu viðburðarins (https://fb.me/e/NpmwlO0U).

Markmið fundarins er að hvetja fólk til að hugsa um það hvernig hægt er að nýta auðlindir landsins, einkum Norðurlands, með sjálfbærum hætti til framtíðar. Þemað er orka-matur-vatn, heilög þrenning í sjálfbærni. Þessar auðlindir tengjast órjúfanlegum böndum og þannig getur verið gagnlegt að hugsa um þær saman. Þetta eru auðlindir sem við erum rík af, og auðlindir sem við bruðlum með. Hvernig getum við verið sjálfbær og til fyrirmyndar á heimsvísu? Við höfum sannarlega efnin og tækifærin til þess.

Dagskráin er glæsileg, en þar koma saman ráðherra, listafólk, vísindafólk og fólk úr orku- og nýsköpunargeiranum og ræða sín hugðarefni. Sérstaklega verður spennandi að heyra af niðurstöðum nýrrar skýrslu sem gerð var um fýsileikann á stórsókn í ylrækt á Íslandi!

Spennandi vefstofa framundan!

Fleiri fréttir

Allar fréttir
7. maí 2021
Öflug kornframleiðsla hjá Sandhóli
Lesa meira
23. apríl 2021
Orkídea og Matís ohf. undirrita samstarfssamning
Lesa meira
21. apríl 2021
Flúðasveppir í fararbroddi
Lesa meira
14. apríl 2021
Vefstofa Eims um nýtingu auðlinda á sjálfbæran hátt
Lesa meira