Ráðið er í starfið til 2ja ára með möguleika á framlengingu.

Viðkomandi mun vinna þvert á svið og verkefni og sinna m.a. heimasíðum, efnisgerð og upplýsingamiðlun fyrir SASS, Orkídeu og eftir atvikum önnur félög í eigu eða umsjón SASS.

Starfið krefst frumkvæðis, sjálfstæðis og góðrar hæfni í samskiptum, þar sem verkefnin eru unnin í nánu samstarfi við sveitarfélög, stofnanir og atvinnulíf á Suðurlandi.

Helstu verkefni og ábyrgð

• Umsjón og þróun heimasíðna og samfélagsmiðla
• Efnis- og textagerð fyrir vefi og samfélagsmiðla, á íslensku og ensku
• Ritstýring, fréttir, blogg og viðtöl
• Þróun og uppsetning fréttabréfa, skýrslna og annars kynningarefnis
• Aðstoð og samhæfing í miðlunar- og upplýsingaverkefnum
• Almenn samskipti við fjölmiðla, samstarfsaðila, íbúa og hagsmunaaðila
• Markaðssetning á Suðurlandi
• Ýmis önnur verkefni í samráði við stjórnendur

Menntunar- og hæfniskröfur

• Háskólamenntun og reynsla sem nýtist í starfi, t.d. á sviði miðlunar, markaðssetningar, íslensku eða blaðamennsku
• Reynsla og hæfni í textaskrifum er skilyrði
• Mjög gott vald á íslensku og ensku, bæði í rituðu og töluðu máli
• Þekking á stafrænum miðlum og vefkerfum
• Góð tölvukunnátta og aðlögunarhæfni
• Geta til að vinna sjálfstætt og sýna frumkvæði.
• Lausnamiðuð hugsun, snerpa og færni til að vera með ”puttann á púlsinum”
• Þjónustulund og rík færni til samstarfs og samskipta
• Góðar tengingar við sveitarstjórnir og fyrirtæki á Suðurlandi er kostur
• Búseta á Suðurlandi er mikill kostur

Samtök sunnlenskra sveitarfélaga er samstarfsvettvangur sveitarfélaga á Suðurlandi þar sem unnið er að sameiginlegum verkefnum byggðaþróunar sem miða að því að skapa betra umhverfi fyrir sveitarfélög, atvinnulíf og íbúa.

Orkídea samstarfsverkefni greiðir leið hringrásarhagkerfis og orkukræfrar nýsköpunar í matvælaframleiðslu og líftækni á Suðurlandi.

Umsóknarfrestur er til og með 5. október 2025.

Öll áhugasöm eru hvött til að sækja um starfið.

Sótt er um á www.mognum.is.

Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veita Sigríður Ólafsdóttir; sigga@mognum.is og Telma Eiðsdóttir telma@mognum.is