Orkunýting
og sjálfbærni
í matvælaiðnaði

Orkídea er samstarfsverkefni um nýsköpun á Suðurlandi á vegum Landsvirkjunar, Samtaka sunnlenskra sveitarfélaga, Landbúnaðarháskóla Íslands og sjávarútvegs- og landbúnaðarráðherra.

Helsta markmið samstarfsins er að auka verðmætasköpun og greiða veg orkutengdra tækifæra, einkum á sviði hátæknimatvælaframleiðslu og líftækni. Ætlunin er að efla nýsköpun og rannsóknir á nýtingu grænnar orku og koma á öflugu samstarfi við bæði fræðasamfélagið og atvinnulífið.

Heiti verkefnisins, Orkídea, er sprottið af orðunum orka og ídea. Þannig vísar nafnið bæði til grænnar orku og þeirra nýstárlegu hugmynda sem spretta í frjóum jarðvegi.

Starfsfólk

Framkvæmdastjóri
Sveinn Aðalsteinsson

(+354) 698 9644

Rannsókna- og þróunarstjóri
Helga Gunnlaugsdóttir

(+354) 698 7739

Stjórn Orkídeu

Stjórnarformaður

Bjarni Guðmundsson

Samtök sunnlenskra sveitarfélaga

Stjórnarmenn

Ríkarður Ríkarðsson

Landsvirkjun

Ragnheiður Þórarinsdóttir

Landbúnaðarháskóli Íslands

Varamenn í stjórn

Haraldur Hallgrímsson

Landsvirkjun

Þórður Freyr Sigurðsson

Samtök sunnlenskra sveitarfélaga

Christian Schultz

Landbúnaðarháskóli Íslands

Framtíðarsýn

Orkídeu er ætlað að efla nýsköpun og rannsóknastarf á Suðurlandi, sér í lagi á sviði hátæknimatvælaframleiðslu og líftækni. Ætlunin er að koma á öflugu samstarfi við háskóla, rannsóknastofnanir og atvinnulíf. Markmiðið er að fjölga möguleikum svæðisins til að takast á við áskoranir samtímans, auka samkeppnishæfni íslenskra afurða á alþjóðlegum markaði og gera Suðurland leiðandi í samspili orku, umhverfis og samfélags.

Startup Orkídea

Icelandic Startups og Orkídea standa fyrir hraðlinum Startup Orkídea. Startup Orkídea er viðskiptahraðall þar sem einblínt verður á verkefni í hátæknimatvælaframleiðslu og líftækni. Hraðlinum er ætlað greiða veg nýstárlegra tækifæra og lausna og hraða þannig ferlinu frá því að hugmynd kviknar og þar til viðskipti taka að blómstra. Allt að fimm teymi verða valin til þátttöku í vönduðu umsóknarferli. Þau verkefni sem verða valin fá kost á að þróa viðskiptahugmyndir sínar undir handleiðslu reyndra sérfræðinga og fjárfesta.

Nánar um Startup Orkídea