30. desember 2023

Sérfræðingar Orkídeu, Eims og Ölfus Cluster hittast á Húsavík

F.v. Karen (Eimur), Kolbrún (Ölfus Cluster) og Magnús (Orkídea)

Sérfræðingar Orkídeu, Eims og Ölfus Cluster hittust á Húsavík í byrjun desember. Tilgangurinn var að leggja mat á áform um grænan iðngarð á Bakka og var verkfærum beitt sem hafa verið þróuð af Iðnþróunarstofnun Sameinuðu Þjóðanna (UNIDO) til að aðstoða við ákvarðanatöku við þróun grænna iðngarða. Verkfærin eru víðtæk og ljóst að notkun þeirra varpar upp fjölmörgum spurningum um gæði og fylgni þeirra ferla sem fylgt er við stefnumótun og ákvarðanatöku um þróun grænna iðngarða. Verkfærin eru allmörg og þau er aðgengileg og gjaldfrjáls á vef stofnunarinnar og fylgja með leiðbeiningar og sýnidæmi um notkun þeirra.  Verkfærin eiga rætur að rekja til Global Eco-Industrial Parks (GEIPP) átaks UNIDO sem ætlað er að sýna fram á hagkvæmni og ávinning af grænum iðngörðum með því að auka sjálfbærni, hringrás og úrvinnslu efnistrauma innan iðngarðsins og sýna fram á efnahagslegan, umhverfislegan og félagslegan ávinning  af vistvænni framleiðsluferlum. Á Íslandi eru víða uppi áform um græna iðngarða og það er mikilvægt að þróun þeirra taki mið af alþjóðlegum væntingum um starfsemi þeirra. Vinnustofan á Húsavík var afar gagnleg og verður endurtekin á Suðurlandi og eftir atvikum og áhuga víðar enda nokkrir iðngarðar í kortunum á Íslandi.

 

Fleiri fréttir

Allar fréttir
28. febrúar 2024
Vefsíða Value4Farm komin í loftið
Lesa meira
15. febrúar 2024
Hliðarafurðir garðyrkju fela í sér verðmæti
Lesa meira
9. febrúar 2024
Grein Orkídeu í Morgunblaðinu um áburðar- og lífgasver
Lesa meira
8. febrúar 2024
Bændablaðið segir frá skýrslu Orkídeu um lífgas og áburð
Lesa meira