14. maí 2021

Bleikjueldi á Klaustri með mikla möguleika

Við heimsóttum Klausturbleikju á Kirkjubæjarklaustri nýlega og áttum gott spjall við Önnu Magdalenu Buda sem er rekstrarstjóri þar. Eigendur Klausturbleikju eru Fishproducts Iceland í Hafnarfirði. 

Klausturbleikja kaupir seiði úr Ölfusi þegar hvert seiði er um 100 g að þyngd. Seiðin vaxa síðan í sláturstærð eða í 600-1000 g. Landeldið fer fram í 8 körum við Teygingarlæk í Skaftárhreppi, fiskurinn er alin í lindarvatni með jöfnu rennsli og jöfnum hita árið um kring sem skapar grundvöll fyrir fiskeldið. Klausturbleikja er með sjálfvirka fóðrun sem auðveldar vinnuna. Klausturbleikja hefur leyfi til framleiðslu á allt að 90 tonnum af bleikju en gæti aukist umtalsvert ef markaðurinn leyfir. Fyrirtækið er með um 4-5 starfsmenn samtals í verkunarstöðinni á Klaustri og í Teygingarlæk.

Sala hefur minnkað töluvert út af Covid vegna minni sölu til veitingahúsa en horfur eru á að salan aukist með auknum fjölda ferðamanna og frekari opnunar veitingahúsa. Flökunarvél verður tekin í gagnið fljótlega sem sparar tíma og hráefni. Ennfremur er hluti flakanna reyktur og seldur í kjörbúðum.   

Fiskeldi hefur mikla möguleika og landeldi er umhverfisvæn leið í fiskeldi. Fiskeldi hefur gjörbreytt atvinnutækifærum víða á landsbyggðinni og tækifæri til vaxtar eru gríðarleg. Það verður spennandi að fylgjast með þessari atvinnugrein í framtíðinni.

Takk fyrir góðar mótttökur, Anna Magdalena! 

Fleiri fréttir

Allar fréttir
16. september 2021
Orkídea og Eimur fá styrk úr Matvælasjóði
Lesa meira
15. september 2021
Ný skýrsla um græna iðngarða
Lesa meira
14. september 2021
Opnað fyrir umsóknir í Uppbyggingarsjóð Suðurlands
Lesa meira
31. ágúst 2021
Upptaka af veffundi Orkídeu og Geothermica um GEOforFOOD 29. júní 2021
Lesa meira