28. október 2021

Aldingróður ræktar sprettur í Vestmannaeyjum

Í Vestmannaeyjum heimsóttum við þau Einar Sigurð Einarsson og Ingunni Þóru Einarsdóttur sem reka fyrirtækið Aldingróður ehf. Þau rækta grænsprettur (microgreens) allan ársins hring fyrir mötuneyti og veitingastaði á Suðurlandi þ.e. á svæðinu frá Grindavík til Víkur í Mýrdal. Starfsemin fer núna fram í tveim 40 feta gámum en stefnt er að því að fá tvo gáma til viðbótar. Um er að ræða svokallaða lóðrétta ræktun og við hana eru notuð LED ljós og varmadæla sem lágmarkar orkunotkun. Ræktunin krefst 50% minni vatnsnotkunar en hefðbundin ræktun. Eftir að sprettubakkarnir hafa verið notaðir af viðskiptavinum koma starfsmenn Aldingróðurs með nýja sendingu og taka eldri ræktunarbakkana tilbaka með ræktunarmold. Þessari mold er safnað saman og hún nýtt sem jarðvegur til gróðursetningar. Ræktunarbakkarnir eru síðan þrifnir, sótthreinsaðir og notaðir aftur. Þannig er umhverfisáhrifum starfseminnar haldið í lágmarki.

Lykilinn að tryggum viðskiptavinum liggur í gæðum framleiðslunnar, segja þau Einar og Ingunn, og veitingastaðirnir geta reiknað með brakandi ferskum og gómsætum sprettum viku eftir viku!

Fleiri fréttir

Allar fréttir
28. febrúar 2024
Vefsíða Value4Farm komin í loftið
Lesa meira
15. febrúar 2024
Hliðarafurðir garðyrkju fela í sér verðmæti
Lesa meira
9. febrúar 2024
Grein Orkídeu í Morgunblaðinu um áburðar- og lífgasver
Lesa meira
8. febrúar 2024
Bændablaðið segir frá skýrslu Orkídeu um lífgas og áburð
Lesa meira