Básinn hjá Armfield Engineering var einn af þeim áhugaverðustu sem við heimsóttum á Food Ingredients Europe sýningunni. Við áttum gott spjall við Iain Cumming, sölustjóra hjá fyrirtækinu. Armfield Engineering sem hannar og framleiðir smáskala rannsókna- og framleiðslutækjabúnað, fyrir matvæla-, drykkjar-, mjólkur-, matarolíu- og lyfjaiðnaðinn.  Tækjabúnaðurinn frá Armfield er notaður af mörgum af leiðandi fyrirtækjum í þessum geirum þar sem þau gera vísindamönnum og framleiðendum kleift að gera raunhæfar tilraunir á litlum skala sem endurspegla iðnaðarframleiðsluferla. Slíkur búnaður einfaldar framleiðendum síðan að skala upp og sannreyna ferlana í raunverulegu iðnaðarumhverfi.

Armfield  hefur líkað unnið að uppbyggingu nýsköpunarsetra  á sviði matvælaframleiðslu í Bretlandi t.d. fyrir Campden BRI í Englandi  sem býður uppá ýmsa rannsóknarþjónustu og aðstöðu fyrir lítil og meðalstór matvælaframleiðslufyrirtæki t.d. varðandi framleiðslutækni og vöruþróun.