Við heimsóttum nýlega Nýheima í Höfn í Hornafirði og áttum góðan fund með Hugrúnu Hörpu Reynisdóttur forstöðumanni Nýheima, Kristínu Völu Þrastardóttur og Guðrún Ásdísi Sturlaugsdóttur sem báðar eru verkefnastjórar hjá Nýheimum. Auk þeirra tóku Matthildur Ásmundardóttir bæjarstjóri Sveitarfélagsins Hornafjarðar og Árdís Erna Halldórsdóttir Atvinnu- og ferðamálafulltrúi þátt í fundinum.  Nýheimar eru þekkingarsetur sem var stofnað 2013. Markmið þess er að stuðla að samstarfi ólíkra stofnana á svæðinu. Menntun, menning , nýsköpun og rannsóknir á Suðausturlandi eru stoðirnar og því er um fjölbreytt verkefni að ræða. Nýheimar hafa gert samstarfssamning við SASS um ráðgjöf á sviði atvinnuþróunar, nýsköpunar og menningar og sér Guðrún Ásdís um ráðgjöfina.

Takk fyrir góðar móttökur!